Нийслэлийн шилдэг бүтээн байгуулагчид тодорлоо

Улаанбаатар хотын 377 жилийн ойн хүрээнд нийслэл хотын хөгжил дэвшилд үнэтэй хувь нэмэр оруулсан шилдэг бүтээн байгуулалтыг шалгаруулах ёслол боллоо.

Дөрөв дэх удаагийн эл арга хэмжээг шилдэг франчайзинг, шилдэг брэндинг, дэвшилтэт техник технологи бүхий үйлдвэр, шилдэг барилга байгууламж гэсэн дөрвөн төрлөөр сонгосон юм.

Сонгон шалгаруулалтад нийт 20 орчим аж ахуйн нэгж нэр дэвшин өрсөлдсөнөөс шилдэг Франчайзинг төрөлд “Caffe bene”, шилдэг брэндинг төрөлд “Imax” кино театр, дэвшилтэд техник технологи бүхий үйлдвэр төрөлд мах махан бүтээгдэхүүн үйлдвэрлэгч “Хос гарьд” ХХК, шилдэг барилга байгууламж төрөлд МCS поперти ХХК-ийн “Шангрила центр” тус тус шалгарлаа.

Харин шилдэг бүтээн байгуулалтын дээд шагналын тусгай байрт “Энканто” спорт комплекс, “Ариуна Сури”, “И март” ХХК, нийтийн тээврийн зогсоол гудамжны мэдээллийн байгууламжийг шинэчилсэн Жи Си Деко компани, хуванцар хаягдал дахин боловсруулах үйлдвэрлэл эрхэлдэг “Мод пластик” компани, перлитен хавтангийн үйлдвэрлэгч “Нью сервер” компани, ахуйн бохир ус цэвэрлэх байгууламж нэвтрүүлсэн “Ультра Соник” компани тус тус шалгарлаа.