Нигерийн удирдлагууд хэт даврагч “Боко Харам” бүлэглэлийн явуулж буй алан хядах ажиллагаанаас болж нийслэл болон хэд хэдэн том хотын гол замыг хааж, бүх төрлийн тээврийн хэрэгсэл явахыг хориглосон тухай “Ройтерс” агентлаг мэдээллээ. “Боко Харам” бүлэглэл он солигдох үеэр алан хядах ажиллагаа явуулж, “Нигерийг цусанд живүүлнэ” хэмээн мэдэгдээд буй. Энэхүү мэдэгдлийн дараа Засгийн газар хуралдаж, дээрх шийдвэрийг гаргасан байна.
Батлан хамгаалахын сайд Броуние Самукай “Хэт даврагчдын явуулах гэж буй алан хядах ажиллагааг урьдчилан мэдэж чадахгүйгээс хойш иргэдээ ийм аргаар хамгаалахаас өөр гарц алга” гэж хэлжээ.
Өнгөрсөн 25-ны өдөр болж өнгөрсөн зул сарын баяраар хэт даврагчид дараалласан халдлага үйлдэж 201 хүний аминд хүрчээ. Энэхүү үйл явдлын дараа тус улсын Ерөнхийлөгч Гүүдлак Жонатхан зул сарын баярыг тэмдэглэхийг хориглосон юм. Тэрбээр “Энэ жил ямар ч байгууллага баяр тэмдэглэхгүй. Хүмүүс шинэ оноо гэртээ гэр бүлтэйгээ тэмдэглэхийг хүсье” гэж хэлжээ.