Сонгинохайрхан дүүргийн долдугаар хорооны иргэн С гэртээ гар хийцийн нам даралтын зуух галлаж байх үед зуух нь дэлбэрч, түлэгдэж гэмтсэн байна. Гэмтсэн иргэн Гэмтэл согог судлалын үндэсний төвд хэвтэн эмчлүүлж байгаа аж. Хэргийг Сонгинохайрхан дүүргийн цагдаагийн хоёрдугаар хэлтэст шалгаж байгаа юм байна.
Цаг агаар хүйтэрч иргэд, аж ахуй нэгж, байгууллагын галлагаа нэмэгддэгтэй холбогдуулан пийшин зуухны хамааралтай гал түймрийн тоо өрсөх хандлагатай байна.
Иймд иргэд гэр орон сууцандаа галлагаа хийхдээ түлшийг хэтрүүлэн хэрэглэхгүй байх, гэмтэлтэй пийшин зуухыг ашиглахгүй байх яндангаа гал үл шатах материалаар дулаалж, тамхи, шүдэнзийнхээ галыг бүрэн гүйцэд унтраах, галтай үнс, нурмыг ил задгай асгахгүй байх, пийшин зуухны галлагаа болон гэр ахуйн цахилгаан хэрэгсэл, шугам сүлжээний ашиглалт угсралтын дүрэм зааврыг зөрчихгүй байхыг нийслэлийн Онцгой байдлын газраас сэрэмжлүүлэв.