Бөхийн жүдо барилдааны улсын аварга шалгаруулах тэмцээн Спортын төв ордонд хоёр дахь өдрөө боллоо. Эрэгтэйчүүдийн 40, эмэгтэйчүүдийн 25, багийн V дахь удаагийн тус тэмцээнд Монголын шилдэг 376 жүдоч аварга болохын төлөө өрсөлдөв.
Өнөөдөр олимпийн алт, мөнгөн медальт, Хөдөлмөрийн баатар Н.Түвшинбаяр эрэгтэйчүүдийн +100 кг-ын жинд барилдаж, түрүүллээ. Тэрээр шигшээ барилдаанд “Женко” клубийн бөх Б.Сугаржаргалыг ялсан юм. Энэ жинд “Хилчин” спорт хорооны тамирчин Б.Бат-Орших, Залуучуудын дэлхийн аварга Ө.Дүүрэнбаяр нар хүрэл медаль хүртлээ.
Маргааш багийн аварга шалгаруулах барилдаанаар тэмцээн үргэлжилнэ.
