Н.Оргилмаа , Э.Эрдэнэчимэг нар мотоциклоор 10 орны нутаг дэвсгэрээр дайран өнгөрч, засмал шороо хосолсон нийт 30.000 км замыг, хоёр сарын хугацаанд туулахаар төлөвлөжээ. Тэд өнөөдөр төв талбайгаас аян замдаа гарлаа.
Энэ үеэр мото спортоор хичээллэгч Н.Оргилмаа , Э.Эрдэнэчимэг нартай цөөн хором ярилцлаа.
-Энэ аялалд явах болсон шалтгаан юу вэ?
-Энэхүү аяллыг арванхоёрдугаар сард төлөвлөсөн. Торгоны замаар анх удаа мотоциклтой явах гэж байгаадаа баяртай байна. Өмнө нь энэ замаар мотоциклтой аялсан монгол эмэгтэй байхгүй учраас энэ аяллаа төлөвлөсөн. Хоёр сарын хугацаанд 30.000 км замыг туулна.
-Өмнө нь уртын аялал хийж байсан уу?
-Энэ аялал бидний хоёр дахь аялал. Хамгийн анхны уртын аялал баруун аймгуудаар буюу Алтай Таван богдоор аялж байсан.
-Нийт хэдэн улсаар дамжин өнгөрөхөөр төлөвлөсөн бэ?
-Улаанбаатар-Баян-Өлгий-ОХУ-Казахстан-Киргизстан-Тажикстан-Узбекистан-Азербайжан-Армен-Гүрж-Турк-Москва-Алтанбулаг-Улаанбаатар гэсэн маршрутаар аялна.
Аяллын хугацаанд нийт 10 орны нутаг дэвсгэрээр дайран өнгөрнө.
Мөн зам бол мэдээж хэцүү, чанга байгаа. Ер нь 40 хувь засмал, 60 хувь нь шороо, орон нутгийн зам.
-Яагаад Турк улсыг сонгох болсон бэ?
-Ерөнхийдөө цаад цэг нь Турк гэж байгаа боловч Торгоны замаар явж үзэхийг хүссэн. Бидний өвөг дээдсийн гаргасан жим байсан учраас.
Э. Анхчимэг
П.Тэргэлсаран