Монголын Үндэсний түүхийн музейн ажилтны хулгайлсан гэх үзмэрүүд байрандаа байсан тухай мэдээллийг “Өдрийн сонин“-ны Эх сурвалжийн мөрөөр үнэнийг хайсан нь” буланд мэдээлж байгаа билээ. Маргааш “Өдрийн сонин”-ы дугаараас энэ цуврал материалын төгсгөлийн хэсгийг хүлээн авч үзээрэй. Үндэсний түүхийн музейн сан хөмрөгийн эрхлэгчээр ажиллаж байсан Б.Энхбатыг 410 дэсийн1004 ширхэг үзмэр хулгайлсан хэргээр ял оноосон юм. Гэтэл түүний хулгайлсан гэх үзмэрүүдийн 77 нь музейдээ байсан талаар манай сонин мэдээлсэн.
Музейн алга болсон гэгдэх үзмэрүүд байрандаа байсан нь тооллогоор илэрсэн байна. Монголын үндэсний түүхийн музейн захирал Д.Сүхбаатар ярихдаа “Соёл, спорт аялал жуулчлалын яамнаас тооллогын дүнг компьютерийн программд оруулъя, тоологдоогүй үзмэрүүдийг тоолъё гээд багагүй ажил хийсэн. Энэ үеэр манай музейн хулгайд алдсан гэх үзмэрүүдээс гадна өөр тоологдоогүй үзмэрүүд ч гарч ирсэн” хэмээн ярьжээ. Энэ тухай дэлгэрэнгүй мэдээллийг маргааш “Өдрийн сонин”-оос уншаарай.