Болгар улсын Пловдив хотод энэ сарын 24-30-ны өдрүүдэд болсон таеквондогийн дэлхийн аварга шалгаруулах тэмцээнд манай баг тамирчид оролцжээ. Нийт 81 орны тамирчид хурд, хүч, ур чадвар сорьсон дэлхийн аварга шалгаруулах тэмцээнд монголын баг хоёр алт, гурван мөнгөн медаль хүртэж IV байрт шалгарчээ. Тодруулбал, Ж.Баттулга алт, М.Мөнхжаргал мөнгө, Г.Уранбилэг, М.Мөнхжаргал, С.Будхүү, Ц.Дэлгэрцэцэг, Т.Ариунзаяа, Б.Отгонцэцэг нарын бүрэлдэхүүнтэй тулалдсан манай улсын эмэгтэй баг алтан медаль хүртсэн амжилттай оролцжээ. Тэгвэл Б.Мөнх-Оргил, Э.Энхтөр, Ж.Баттулга, Б.Даваажамц, Р.Сайханжаргал, А.Дөлгөөн нарын бүрэлдэхүүнтэй эрэгтэй баг мөнгөн медаль хүртсэн байна.Мөн Б.Бишгарав, Х.Жандос, Б.Отгонбаяр, Ц.Галсантогтох нар мөнгөн медаль хүртсэн байна.