Чөлөөт бөхийн тэмцээний сонгомол барилдаанууд хэдийнээ эхэлсэн бөгөөд манай бөхчүүдийн барилдаан 17-нд П.Орхон, О.Насанбурмаа нарын барилдаанаар эхлэхээр болжээ.
Риогийн олимпод манай улсаас эх орноо төлөөлж эрэгтэйчүүдийн 57 кг-д ДАШТ-ий хүрэл медальт Э.Бэхбаяр, 65 кг-д ДАШТ-ий хошой хүрэл медальт Г.Мандахнаран, 86 кг-д Армийн дэлхийн аварга О.Үйтүмэн, 97 кг-д Азийн аварга Д.Хүдэрбулга, 125 кг-д ДАШТ-ий V байрын шагналт Ж.Чулуунбат болон эмэгтэйчүүдийн 53 кг-д ДАШТ-ий мөнгөн медальт Э.Сумъяа, 58 кг-д домогт К.Ичо аваргыг ялж, И.Ярыгинд түрүүлсэн П.Орхон, 63 кг-д олимпийн хүрэл медальт, дэлхийн хошой аварга С.Батцэцэг, 69 кг-д ДАШТ-ий гурван хүрэл медальт О.Насанбурмаа нар оролцож байна.
Тэмцээний хуваарь
Наймдугаар сарын 17, Лхагва гариг
Эмэгтэй чөлөөт бөхийн 58 кг-д П.Орхон, 69 кг-д О.Насанбурмаа нар Улаанбаатарын цагаар 22:00 цагт барилдана.
Наймдугаар сарын 18, Пүрэв гариг
Эмэгтэй чөлөөт бөхийн 53 кг-д Э.Сумьяа, 63 кг-д С.Батцэцэг нар Улаанбаатарын цагаар 22:00 цагт барилдана.
Наймдугаар сарын 19, Баасан гариг
Чөлөөт бөхийн 57 кг-д Э.Бэхбаяр, 74 кг-д П.Өнөрбат нар Улаанбаатарын цагаар 22:00 цагт барилдана.
Наймдугаар сарын 20, Бямба гариг
Чөлөөт бөхийн 86 кг-д О.Үйтүмэн, 125 кг-д Ж.Чулуунбат нар Улаанбаатарын цагаар 22:00 цагт барилдана.
Наймдугаар сарын 21, Ням гариг
Чөлөөт бөхийн 65 кг-д Г.Мандахнаран, 97 кг-д Д.Хүдэрбулга нар Улаанбаатарын цагаар 20:30 цагт барилдана. 00:45 – 03:15 цагийн хооронд дагах болон медалийн төлөө барилдаан, медаль гардуулах ёслолын үйл ажиллагаа болно.
О.ӨНӨР