Гадаадын кинон дээр бол банк дээрэмдэгчид буу тулгаад, хамаг мөнгийг нь аваад арилж өгч байгаа тухай л өгүүлдэг. Харин манайд бодит байдал кинон дээрхээс ч зугаатай өрнөдөг юм. Дээрэмчид банкны ажилтануудыг айлгах гэж аргаа барж байна. Айж мэддэггүй банкны ажилтануудтай учирсан бүтэлгүй дээрмийнбичлэгүүд интернэтээр олныг зугаацуулах болов. Баянзүрх дүүрэгт байрлах “Капитрон” банкны тооцооны төвдбуутай этгээд нэвтэрч 20 сая төгрөг дээрэмдээд зугтсан ч араас нь теллер, хамгаалагч хоёр нь нэхэж хөөсөөр мөнгөө буцааж авсан тухай бичлэг интернэтэд од болсон.
Хөдөөгийн банкны ажилтанууд ч бас “үхэр” зүрхтэй бололтой.2013 онд Дорноговийн Замын-Үүд суман дахь “Хадгаламж” банкийг нэг этгээд дээрэмдэхээр зүрхэлсэн ч теллерүүд нь айхаа мэдэхгүй хэрэлдэж зовоодог. Хамгаалагч ч байхгүй мөртлөө нэг нь дээрэмчнийг цохиод авдаг гээч. Арай хийж хэдэн төгрөг зулгаасан дээрэмчнийг хоёр банкны ажилтан хойноос нь хөөсөөр мөнгөө буцааж авч байх юм. Энэ бүтэлгүй дээрэмчин хэн байсан тухай маргаашийн “Өдрийн сонин”-оос уншаарай. Бараг бүх хүн биенээ таньж хамаатан садан болох шахдаг Монголд банк дээрэмдэхэд азгүйтэх магадлал өндөр гэнэ шүү.