“Эх үрсийн баяр”-ыг тохиолдуулан Үндэсний цэцэрлэгт хүрээлэнд өнөөдөр 10.00-21.00 цагт “Монгол ээжийн баяр” арга хэмжээ болж байна.
Арга хэмжээний хүрээнд нийслэлийн есөн дүүргийн өрх толгойлсон эмэгтэйчүүдийн 1000 хүүхдэд бэлэг гардуулж, хүүхдүүдэд зориулсан урлагийн тоглолт шоу үзүүлбэр, ээжүүд болон хүүхэд багачуудын дундах хөгжилтэй тэмцээн уралдааныг зохион байгуулах юм байна.
Энэхүү арга хэмжээ нь “Монгол ээж” гэх сайн үйлсийн төслийн нээлт болж байгаа аж.