Олон хүний хүсэл биелэлээ олж жүжигчин Леонардо ДиКаприо өнөөдөр Оскарын шагналыг атгасан билээ. Тэрбээр шагнал авахдаа тайзан дээр 45 секундын хугацаанд хүн төрөлхтнийг байгаль эх дэлхийгээ хайрлах зүтгэлд уриалсан юм.
Түүний хэлсэн үгнээс хүргэж байна:
“Та бүхэндээ маш их баярлалаа. Америкийн кино Академи болон энэ танхимд буй бүх хүнд талархсанаа илэрхийлье. Мөн миний карьерын эхэн үеэс өнөөг хүртэл тусалж дэмжиж ирсэн бүх хүмүүст баярлалаа гэж хэлэх ёстой.
Энэ бол гайхалтай баг хамт олны минь цуцашгүй хүчин чармайлтын үр дүнд бий болсон бүтээл. “The Revenant” кино хүн төрөлхтөн, байгаль хоорондын хүйн холбооны тухай өгүүлдэг.
Өнгөрсөн жил дэлхийн түүхэн
дэх хамгийн ХАЛУУН уур амьсгалтай жил болж өнгөрлөө. Уур амьсгалын
өөрчлөлт нь БОДИТООР болж байгаа зүйл. Энэ нь хүн төрөлхтний хувьд
хамгийн НОЦТОЙ АЮУЛТАЙ ҮЕ юм.
Тиймээс одооноос хамтдаа УУР АМЬСГАЛЫН ӨӨРЧЛӨЛТИЙН ЭСРЭГ хичээж, ажиллах хэрэгтэй байна.
Энэ дэлхий зөвхөн бидэнд зориулагдаагүй шиг
Энэ шагнал ч гэсэн зөвхөн надад зориулагдаагүй”
гэсэн юм.