Элэгний В вирүсийн эсрэг “Тенофовир” эмийг нийт 5000 хүнд хөнгөлөлттэй үнээр
олгохоор болжээ. Өөрөөр хэлбэл, элэгний В вирүстэй иргэд сарын эмэн эмчилгээг
30 мянган төгрөгөөр худалдан авах юм байна. Ер нь Монголын арван хүн тутмын нэг нь энэ төрлийн вирүсийн халдвар
тээдэг бөгөөд элэгний хатуурлын 39 хувь нь үүнээс гаралтай гэдгийг холбогдох мэргэжилтнүүд хэлсэн юм.
АНУ-ын эм үйлдвэрлэгч MYLAN компани, Монголын элэгний эмгэг судлалын холбоо,
Хаппи веритас оношилгооны төв хамтран элэгний В вирүсийн эсрэг “Амжиргааны
төсөл”-ийг эхлүүлснээ өнөөдөр зарлалаа. Үүнд амжиргааны түвшин
доогуур өрхийн иргэдийг хамруулах аж.