Дани улсын Гадаад явдлын яамны сайд дэлхийн улс орнуудаас хамгийн анх “Цахим сайд”-тай болох гэж буйгаа зарлажээ. Одоо энэ сонин, содон албан тушаалын эзэн хэн байх хийгээд шинэ орон тоонд хэдий хэр зардал гарах, цалин хэд байх, ямар мэргэжилтэй хүн томилогдох талаар тодорхой хэлээгүй байна.
Харин интернэт ертөнцөд үйл ажиллагаа явуулдаг компаниуд нь улс орныхоо эдийн засагт дэмжлэг үзүүлж чадахуйц хэмжээний томоохон цахим салбарыг үүсгэсэн. Тиймээс бид энэхүү салбарыг чухал салбарын нэг хэмээн тооцож, уг салбарыг хариуцан ажиллах “Цахим сайд”-ын албан тушаалыг бий болгоно гэжээ. Ийнхүү Дани улсын Засгийн газар нь Цахим сайд”-тай болж буйгаараа дэлхийд үлгэр жишээ боллоо. Энэхүү санаачилгыг монголчууд маань ч гэсэн авч хэрэгжүүлж яагаад болохгүй гэж?