УИХ-д МАХН-ыг О.Баасанхүү гишүүн төлөөлдөг тул МАХН Ерөнхийлөгчийн сонгуульд өрсөлдөх эрхтэй. Одоогоор тус намынхан Ерөнхийлөгчид нэр дэвшигчээ тодруулаагүй байгаа. МАХН-ын Бүх ард түмний үндэсний их хуралдай болж байна. Тус хуралд УИХ-ын гишүүн асан С.Ганбаатар оролцож, үг хэлсэн байна. Маргааш өглөө 10.00 цагт тус намын Бага чуулган болно. Энэ чуулганаараа Ерөнхийлөгчид өрсөлдөх нэр дэвшигчийг тодруулах юм. МАХН-ын 6 гишүүн сонгуульд өрсөлдөх хүсэлтээ илэрхийлээд байгаа гэх мэдээлэл гарчээ.