“Өдрийн сонин” маргаашийн дугаартаа МАК-ийн ерөнхийлөгч Б.Нямтайширын ярилцлагыг хүргэж байна.
Тэрбээр ярилцлагадаа “Бондын санхүүжилтийг авахад Номтойбаярын ямар ч оролцоо байгаагүй, хэнийг ч лоббидож яваагүй, хэнд ч хүсэлт тавиагүй, ямар нэгэн шийдвэр гаргахад хэнд ч нөлөөлөөгүй гэдгийг хариуцлагатайгаар хэлье. Хэрэв ийм нотлох баримт хэн нэгэнд байгаа бол гаргаад тавихыг үнэхээр хүсэж байна. Аав хүү хоёрын хооронд хэн хэнийхээ ажилд оролцохгүй байх, өөрөөр хэлбэл улс төр, аж ахуйн ажил, бизнест хандах хатуу зааг ялгаа байдаг” гэжээ.
Мөн “Манай монголчуудын нэг том зовлон бол аливаа асуудлыг, ямар нэгэн төслийг улс төрийн өнцгөөс харж, улстөржүүлдэг. Ингэснээр тухайн бизнесийн үйл ажиллагаа гацах, царцах, бусдын өмнө хүлээсэн итгэл найдвар хөсөрдөх байдалд хүрдэг. Эцсийн дүндээ улс орныхоо хөгжлийг сааруулахад хүргэдэг. Ийм байдал нь улс орноо гэсэн сэтгэлтэй монгол хүний хийх үйлдэл яавч биш дээ. Гаднын захиалгаар яваад байна уу гэсэн бодол ч заримдаа төрөх юм” хэмээн өгүүлэв.
Бүтээн байгуулалтын хэд хэдэн төслийг зэрэг эхлүүлээд байгаа “Монголын алт” корпорацийн ерөнхийлөгч Б.Нямтайширын манай сонинд өгсөн энэхүү томоохон ярилцлагыг доорх зааврын дагуу захиалан авч уншиж болохыг дуулгая.