УИХ-ын нэгдсэн чуулганаар “Тогтоолын хавсралтыг шинэчлэн батлах тухай” тогтоолын төслийг хэлэлцэж байна. Энэ үеэр УИХ-ын гишүүд асуулт асууж, сайд нараас хариулт авлаа. Энэ үеэр УИХ-ын гишүүн Ч.Хүрэлбаатар санал хэлсэн юм.
Тэрээр “2022 онд тулгамдаж байгаа гол асуудал бол бараа бүтээгдэхүүний үнийн өсөлт. Энэ нийлүүлэлттэй холбоотой. Урд хил амархан нээгдэх юм шиг бодох хэрэггүй. Би аравдугаар сард 2022 онд хил нээгдэхгүй шүү гэж хэлж байсан. Бид ард талдаа ч Украин дахьдайны нөхцөл байдлаас үүдэж амаргүй л байна. Энэ жилдээ бүх зүйл амархан дуусаж, хэвийн болно гэж бодох хэрэггүй. 2022 оны байдал 2023 онд үргэлжилнэ. Ийм нөхцөл байдалтай байхад бодлгын арга хэмжээг шуурхай авах хэрэгтэй байна. Доллар олдохгүй байгаа. Монголбанкны ханш худлаа байна. Долларын ханш Монголбанк дээр нэг өөр, Найман шарга дээр нэг өөр байна. Ийм хоёр өөр ханштай байна гэж юу гэсэн үг вэ. Үүнийг засахгүй бол болохгүй. Доллар олдохгүй байна, 100 доллар ч шилжүүлж чадахгүй байна шүү дээ. Доллар хаанаас яаж олох вэ. Ийм нөхцөл байдалтай байхад Эдийн засаг, хөгжлийн яам үүнийг ярихгүй, цаг алдаж байна” гэлээ.