Английн премьер лигийн 25 дугаар тойргийн эхний тоглолтууд өнгөрсөн шөнө явагдлаа.
Английн лигийн 18 удаагийн аварга Ливерпүүл лигийн “шинэ цэрэг” Хадерсфелд тауны талбайд зочилж 3:0-ээр бут ниргэлээ. Энэ өдөр Улаануудаас Герман хагас хамгаалагч Эмре Жан 26 дахь минутанд гоол оруулж тоглолтын салхийг хагалсан бол нэгдүгээр үеийн төгсгөл 45 дахь минутанд Роберто Фирминогийн гоцлон тоглолт амжилттай болж багийнхаа тэргүүллийг баталгаажуулжээ. Харин 78 дахь минутанд “Египт Месси” Мухамед Сала гоолдож энэ тоглолтын цэгийг тавсан юм.
Өмнөх тойрогт Ливерпүүлийг хожоод байсан Суонси сити энэ удаа Арсеналтай тулж 3:1-ээр хожиж шуугиан тарив. Тоглолтын эхний гоолыг 33 дахь минутанд Начо Монреал оруулсан бол үүнээс нэг минутын дараа Суонси ситигээс Самуэл Рэемонд Клукас гоолдож тооны харьцааг тэнцүүлсэн юм. Харин шийдвэрлэх хоёрдугаар үеийн 61 дэх минутанд Жордан Аяу гоол оруулж багтаа тэргүүлэл авчирсан бол Самуэл Рэемонд Клукас хоёр дахь гоолоо 86 дахь хоромд оруулж багийнхаа тэргүүллийг баталгаажуулжээ. Ингэснээр Соунси сити 23 дахь оноогоо авч 17 дугаар байрт дэвшлээ.
О.ДАШНЯМ