“Ковид-19”-ийн вакциныг тавт вакцинтай андуурч 5 хүүхэд 1 том хүнд хийжээ.
Тодруулбал, 2021 зургадугаар сарын 28-ны өдөр Ховд аймгийн Алтай сумын эрүүл мэндийн төвийн эмч мэргэжилтнүүд тус сумын ЕБС-ын нэр бүхий 5 хүүхдэд коронавирусийн эсрэг вакцин хийж байна гээд “Тавт” вакциныг андуурч тарьжээ.
Эмнэлэгийн эмч ажилчид хүүхдүүдэд буруу вакцин тарьсан гэдгээ мэдмэгц яарч сандарч 29-ний өдөр хүүхдүүдийг буцаан ирүүлж “ковид-19”-ийн эсрэг вакциныг дахин хийсэн байна. Ингээд үндсэндээ нэг өдрийн дотор эдгээр хүүдүүдэд хоёр өөр вакцин хийсэн гэсэн үг.
Хүүхдүүдийн хувьд 10-11-р ангийн сурагчид гэдэг мэдээлэл байгаа юм. Одоогийн байдлаар 2 хүүхдийн гар хөндүүрлэн өвдөж, хавдаад зовиуртай байгаа гэнэ. Тавт вакциныг нярай үе буюу 1, 2, 3 сартай хүүхдэд хийх ёстой вакцин юм байна. Хүүхдүүдийн ар гэрийнхэн гомдолтой байгаагаа мэдэгдэж сургуулийн захиргаанд өргөдөл гаргажээ гэж Ховд.мн-ээс мэдээллээ.