Алдарт “Vogue” сэтгүүл энэ оны онцлох дуулиан тарьсан эмэгтэйг шалгаруулсан бөгөөд реалити шоуны од гэгддэг Ким Кардашиан тэргүүлсэн байна. Уг жагсаалтад Кимээс гадна дуучин Ники Минаж, Майли Сайрус болон Мадонна нар бичигджээ. Ким Кардашианы хувьд өнгөрсөн арваннэгдүгээр сард худалдаанд гарсан “Paper” сэтгүүлийн нүүрэнд нүцгэн зургаа нийтлүүлж, шуугиан дэгдээсэн билээ. Түүний зургийг нийтэлсэн сэтгүүл борлуулалтаараа рекорд тогтоож, “Оны сэтгүүл”-ээр тодорчээ.