Хятадын аж үйлдвэрийн салбарын өсөлт аравдугаар сард буурч тус улсын эдийн засагт хүндрэл учирсныг албан ёсны судалгаа харуулжээ. Хятадын худалдан авалтийн менежерийн индекс өмнөх сард 51.1 байсан бол аравдугаар сард 50.8 болж буурсан байна. Саяхан гаргасан судалгаагаар долоогоос есдүгээр сарын хооронд тус улсын эдийн засгийн өсөлт өмнөх улиралтай харьцуулхад 7.3 хувь болтлоо буурж, сүүлийн таван жилийн хугацаанд хамгийн доод түвшиндээ хүрээд байгаа аж. Бээжингийн удирдлагууд хэрэглэгчдийн худалдан авах чадварыг нэмэгдүүлэхийн тулд орон сууц худалдан авалтад тавьсан хязгаарлалтыг зөөлрүүлж,томоохон банкуудад олон тэрбүм долларын санхүүжилт зээл олгохоо мэдэгдсэн байна. Мөн Хятадын төв банк зарим банк хоорондын зээлийн хүүг бууруулсан байна.
Энэ жил Хятадын засгийн газар эдийн засгаа 7.5 хувь болгон өсгөх зориллтой ажиллаж байгаа хэдий ч олон арван шинжээчид үүнийг биелүүлхэд хүндрэлтэй гэж үзэж байгаа аж.
Б.Анужин