Өчигдөр “Хүүхдийн зуслангийн хаалт”-ын ажиллагаа Нийслэлийн Иргэний танхимд боллоо. Нийслэлийн Хүүхэд гэр бүл хөгжлийн газраас уг арга хэмжээг зохион байгуулсан бөгөөд энэ үеэр “Хүүхдэд ээлтэй зуслан”-г шалгаруулсан юм. Хүүхдийн төлөө үйл ажиллагаа явуулдаг 6 байгууллагын хоёр удаагийн мониторинг, хүүхдүүдийн зуслангийн талаарх сэтгэл ханамжийн судалгаанд үндэслэн дээрх зусланг тодруулжээ. Хүүхдэд ээлтэй зуслангаар Нарлаг, Нарс, Ундраа гэсэн 3 зуслан шалгарсныг зарлалаа. Хүүхдийн зуслан энэ сарын 20 хүртэл ажиллах аж.