Төв аймгийн Сэргэлэн сумын нутагт баригдаж байгаа Хөшигтийн хөндийн нисэх онгоцны буудлыг хүлээн авах Улсын коммис өчигдөр хуралдлаа. Тус нисэх онгоцны буудлыг ирэх оны эхний улиралд ашиглалтад оруулахаар төлөвлөөд байгаа юм байна.
Япон Улсын Засгийн газраас “Олон улсын шинэ нисэх онгоцны буудал барих төсөл”-ийг хэрэгжүүлэхэд Монгол Улсын Засгийн газарт 28 тэрбум 807 сая иен (ойролцоогоор 300 сая ам.доллар)-тэй тэнцэх хөнгөлөлттэй зээлийг олгохоор шийдвэрлээд байгаа билээ. Зээлийг Япон Улсын Засгийн газрын хэрэгжүүлэгч байгууллага болох Японы олон улсын хамтын ажиллагааны банк олгож байсан ба 2008 оны 10 дугаар сарын 1-ний өдрөөс Японы Олон улсын хамтын ажиллагааны банкны зээл, тусламжийн функц Японы Олон улсын хамтын ажиллагааны байгууллага (ЖАЙКА)-тай нэгдсэнээр, нэгдсэн нэг ЖАЙКА нэрийн дор уг төсөл хэрэгжиж байгаа юм.