Categories
мэдээ цаг-үе

Хүнд хэцүү энэ цагт л Монголын сэхээтнүүдийн үг хэрэгтэй байна

Халзанхүү гэдэг аккаунтаар жиргэдэг эрхэм саяхан “Хэрэгтэй цагт үгээ хэлээгүй сэхээтэн, хэцүү цагт илдээ сугалаагүй дайчин хоёр адилхан” гэж бичсэн нь цахим ертөнцийнхний анхаарлыг татаад авна лээ. Үнэн л дээ. Монголын нийгэм ороо бусгаа, хөгжих, эс хөгжихийн зааг дээр ирчихээд байгаа энэ үед хэлэхээс аргагүй үг. Хөгжих, эс хөгжихийн цаана дарангуйлал тогтох, эс тогтох, тусгаар орших, эс оршихын зааг гэж айхтар юм бий. Яг энэ заагт бид амьдарцгааж байна. Итгэхгүй байгаа ч толгой дохихоос аргагүй гашуун үнэн. Энэ асуудал бидэнд огт хамаагүй, алс холын сэдэв мэт санагддаг байсан нь ердөө саяхных. Тиймдээ ч тусгаар оршсон бүрэн эрхт улсын иргэд гэсэн бахархал омогшил дүүрэн алхацгаасаар ирсэн, одоо ч нийгмийн ихэнх нь ийм бодолтой алхаж яваа. Гэхдээ орших, эс оршихын зааг дээр ирсэн гэсэн үнэн өнөөдөр хоолой дээр тавьсан хутга мэт болчихоод байгааг хүлээн зөвшөөрөхөөс өөр арга алга.

Гадаад харилцааны сай­даар ажиллаж байсан Н.Туяа Монголын тухай, хөрш хоёр гүрний тухай үгээ саявтар манай сониноор дамжуулан нийгэмд хэлсэн юм. Орос, Хятад гэсэн мөнхийн хөрш­тэйгөө “зууралдахгүй” бол тойргийн гадна хаягдана гэсэн утгатай. Энэ бол сэхээтний, мэргэжилтний үг. Нэгэн цагт Га­даад харилцааны яамыг толгойлж явсан хүний гээж боломгүй үг. Гадаад харилцааны экс сайдынх шиг ултай үг яг одоо хэрэгтэй байна. Монголын сор болсон эрхмүүдийн үг ус, агаар мэт эрэлттэй байна. Эдийн засгийн таагүй байдал хоёржил дараалан үргэлжилж, гадаадын хөрөнгө оруулалт таг зогссон хэцүү цагтхоёр толгойн асуудал ид яригдаж байна. Яг ийм үед Оюу толгой, Таван толгойг ашиглах нь эдийн засагт хэр өгөөжтэй, Монгол гэдэг улсын ирээдүйд ямар тустай болохыг ул суурь, учир, гаргалгаатай нь хэлээд өгөх сэхээтний үг үгүйлэгдэж байна.

Саяхан Монгол Улсын анхны Ерөнхийлөгч П.Очир­бат Таван толгойг явуулах нь эдийн засагт ямар ашигтай талаар бодлоо хэлж, санаагаа ху­ваалцсан. Коксжих нүүрс­ний нөөцөөрөө дэлхийд гэж яригддаг том ордоо цаг алдалгүй ашиглахын тус, өгөөжийг үндэс, гаргалгаатай нь ярьсан байна лээ. Одоо нэг хүнийг сонсмоор байна. Нэгэн цагт Монголын төрийг тэргүүлж явсан Н.Баганбандийн үгийг. Оюу толгойн далд уурхайн бүтээн байгуулалт үргэлжилж, хоёр дахь шатны санхүүжилт орж ирэх нь улсын хөгжилд ямар нөлөө үзүүлэх талаар ярьж хэлэх л учиртай хүний нэг. Төрийн тэргүүнээс гад­на “Оюу толгой”-н ТУЗ-ийн гишүүнээр ажилласан он жи­лүүд намтарт нь бий учраас онцлоод байна л даа. Энэ утгаараа Оюу толгойн талаарх түүний байр суурь нийгэмд хэрэгтэй байна. Түүний “Ти­тэм үг” түмэнд ухаарал нэмдгийг үгүйсгэхгүй. Олонд өгч буй өгөөжийг нь хэмжих аргагүй. Гэхдээ яг одоо цэцэн үгийн цуглуулгаас илүүОюу толгойн талаар юу бодож санаж буй нь олны сонирхлыг татаж байгаа.

Салбар бүрийн мэргэжилт­нүү­дээс хүсэх нэг зүйл байна. Уул уурхайгаа хэрхэн ашиглах, цаашид яавал хөгжих талаар байр суурь, бодол саналаа манай сониноор дамжуулан хэлнэ үү. Бид та бүхний индэр болъё.

Эхлээд уул уурхайн том төслүүдээ хөдөлгөж мөнгө олъё, дараа нь тэр мөнгөөрөө хөгжих сууриа тавья гэж дуу­гарч байгаа хүн яг одоо бол тун цөөнөөр тоологдоно. Нийт­лэлч Баабар, Б.Цэнддоо, “Өдрийн сонин”, энэ сонины сэтгүүлчид л ийм өнцгөөс байр сууриа илэрхийлж, ний­­гэмд үгээ хүргэж байна. Ингэснийхээ төлөө шүүмжлүүлж, эх орноосоо урвагчид гэж цоллуулж, ер сайн үг дуулахгүй яваа. Өдөр, шөнө, өглөө оройгүй зүхүүлж байгаа ч бид улсынхаа тусгаар тогтнол, хөгжлийн төлөө үгээ хэлэх үүрэгтэй. Бид өөрсдөө ингэж бичихээс гадна Монголын сэхээтнүүдийн санал, бодлыг нийгэмд хүргэх үүрэгтэй.

Хоёр толгойг эсэргүүцэж үгээ хэлэх шиг амар юм алга. Оюу толгой, Таван толгойн эсрэг үг хэлсэн хүн бүр баа­тар болдог. Ард түмний хүү болж манддаг. Ингэж цээ­жээ дэлдэгсдийн зарим нь бүр олныг хамарсан санал асуулгаар туршлагатай улс­төрч­дийг ардаа орхичихсон тодорч яваа. Харамсалтай нь тэдний хэлж буй үг “тэнэг”-үүдэд зориулсан жүжиг төдий зүйл гэдгийг нийгмийн олонх ухаардаггүй.

Учир мэдэх сэхээтнүүд бол хоёр толгой Монголд ямар өгөөжтэйг мэдэхийн цаагуур мэдэж байгаа. Ойлгож ухсан зүйлээ олонд хэлж өгөөч гэсэн хүслээр л энэ бүхнийг хөндөөдбайгаа юм. Бидэнд Ерөнхий сайдын албыг хашиж явсан Р.Амаржаргал, Сү.Батболд, С.Баяр, Н.Алтанхуягийн үг хэрэгтэй байна. Улстөрийн гол намуудын дарга нарын үгийг нийгэм хүлээж байна. Б.Даш-Ёндонгоос эхлээд хоёр толгойн өгөөжийн талаар ултай үг хэлэх хүн намын дарга байсан эрхмүүдийн дунд цөөнгүй бий. Үе үеийн УИХ-ын дарга нараас Ц.Нямдорж, Д.Лүндээжанцан, С.Төмөр-Очир гэж ирээд яривал хоёр толгойн талаар жинтэй үг хэлэх төрийн түшээ өчнөөн. Тэд том төслүүдээ улстөржүүлэхгүйгээр хөдөлгөх ёстой гэдгийг ойлгохын цаагуур ойлгож байгаа.

За тэгээд нийгэмд өөрийн гэсэн үнэ цэнээ бүтээчихсэн, олон нийт үгийг нь толгой дохин хүлээн зөвшөөрч сонсдог хүчирхэг сэхээтнүүд байна. Н.Жанцанноров, Б.Лхагвасүрэн гэж ирээд жагсаавал олон эрхэм бий. Оюу толгойн ТУЗ-ийн дарга, Монголын толгой эдийн засагчдын нэг Да.Ганболд, хуучин нийгмийн үед геологи, уул уурхай хариуцсан яамыг толгойлж явсан Ч.Хурц гээд үгээ хэлэх учиртай, нийгэм үгийг нь хүлээж буй хүмүүсийг жагсааж болж байна. Сая нэр дурдсан эрхмүүд хоёр толгойгоос эдийн засагт ирэх өгөөжийг мэдэх хүмүүс. Тийм учраас л үгээ хэлээч гэж хүсээд байгаа юм. Харамсмаар нэг өнцөг бий. Сэхээтнүүдийн зарим нь хоёр толгойн цаад ашгийг мэдэж байгаа хэр нь өнөө, маргаашийн ашиг хонжоогоор Оюу толгой, Таван толгойг энэ цагт ашиг­лах нь буруу хэмээн ярьж байгаа. Зүй нь сургаж, боловсруулж өдий хүргэсэн улсынхаа хөгжлийн төлөө зөв үг унагах үүрэгтэй улсын нэг л дээ, олонд нэрээ гаргасан энэ сэхээтнүүд. Дайны гал дүрэлзэж байх цагт илдээ сугалдаггүйцэрэг шиг хэрэггүй хүн үгүй. Тэгвэл эдийн засаг таагүй хэвээр үргэлжилж буй энэ цагт, тусгаар орших, эс оршихын зааг дээр ирсэн ийм үедулсынхаа хөгжлийн төлөө үг хэлэхгүй сэхээтэн хэр үнэ цэнтэй байх бол? Дайны гал дундуур илдээ сугалдаггүй цэрэг шиг л хэрэггүй хэсэгт орж таарна.

Ц.БААСАНСҮРЭН

439 replies on “Хүнд хэцүү энэ цагт л Монголын сэхээтнүүдийн үг хэрэгтэй байна”

family pharmacy [url=https://familypharmacy.company/#]online pharmacy delivery usa[/url] family pharmacy

garuda888 slot [url=http://garuda888.top/#]garuda888 slot[/url] Kasino di Jakarta memiliki berbagai pilihan permainan

slotdemo [url=http://slotdemo.auction/#]slot demo rupiah[/url] Slot memberikan kesempatan untuk menang besar

preman69 [url=http://preman69.tech/#]preman69[/url] Beberapa kasino memiliki area khusus untuk slot

pharmacie en ligne france fiable [url=https://kamagrameilleurprix.com/#]kamagra livraison 24h[/url] pharmacie en ligne pas cher

Viagra homme prix en pharmacie sans ordonnance [url=https://viagrameilleurprix.shop/#]acheter du viagra[/url] Viagra homme prix en pharmacie sans ordonnance

pharmacie en ligne fiable [url=http://tadalafilmeilleurprix.com/#]cialis sans ordonnance[/url] pharmacie en ligne sans ordonnance

mexican pharmacy [url=http://certpharm.com/#]Cert Pharm[/url] mexican pharmacy

Leave a Reply

Your email address will not be published. Required fields are marked *

Categories
мэдээ нийгэм

“Хүнд хэцүү энэ цагт л Монголын сэхээтнүүдийн үг хэрэгтэй байна” нийтлэлийг “Өдрийн сонин”-оос уншаарай

Уншигч, захиалагчдаараа үргэлж тэргүүлдэг “Өдрийн сонин”-ы 2015.06.09-ний дугаар танд хүрч байна.

Өдрийн сурвалжлагаар наадмын бэлтгэлдээ гарсан бөхчүүдийн галыг сурвалжилж, өнөө жилийн бөхчүүдийн өнгө төрх хийгээд аль аймгийн бөхийн гал хаана бэлтгэлээ хангаж байгаа тухай дэлгэрэнгүй мэдээллийг хүргэж байна. Наадас айсуй өдрүүдэд Завхан, Увс, Хөвсгөл аймгийн бөхчүүд бэлтгэлдээ гарчээ. Энэ тухай нэг, зургадугаар нүүрээс уншина уу.

Улс төрийн нүүртээ УИХ-ын гишүүн А.Бакей, С.Одонтуяа нарын ярилцлагыг хүргэж байна. А.Бакей гишүүний ярилцлагаар Таван толгойн асуудлыг хөндлөө. Тэрбээр энэ долоо хоногт ажлын хэсэг дүгнэлтээ гаргах тухай ярьжээ. Тэгвэл С.Одонтуяа гишүүн энэ удаагийнхаа ярилцлагаар дамжуулан Шинэ яармаг хорооллын бүтээн байгуулалтын ажлын талаар дэлгэрэнгүй мэдээлэл өглөө. Мөн Улс төр нүүрт УИХ-ын дарга З.Энхболдын хөдөө орон нутагт ажилласан томилолт, намын бүлгүүдийн хуралдааны мэдээллийг багтаалаа.

Баримт, үзэл бодол нүүрт “Хүнд хэцүү энэ цагт л Монголын сэхээтнүүдийн үг хэрэгтэй байна” нийтлэл хэвлэгдлээ. Оюу толгой, Таван толгойг сүүлийн үед улстөржүүлж байгаа. Тэгвэл эдгээр мега төслийг явуулснаар Монгол Улсын эдийн засагт ямар үр өгөөжтэй вэ гэдэгт Монголын жинхэнэ сэхээтнүүдийн үнэн үг дутаж байна. Тиймээс энэ асуудалд сэхээтнүүд өөрсдийн байр суурь, үзэл бодлоо илэрхийлж, Монголынхоо эдийн засгийг урагшлуулахад үнэтэй үгээ хайрлаасай гэсэн санаачилгыг “Өдрийн сонин” уг нийтлэлээрээ уриалж байгаа юм.

Баримт, үйл явдал нүүрт Эрүүгийн хуулийн төслийн ажлын хэсгийн ахлагч Г.Эрдэнэбатын ярилцлага нийтлэгдлээ. УИХ-аар хэлэлцэгдэж буй Эрүүгийн хуулийн төслийн талаар тэрбээр дэлгэрэнгүй ярилаа.

Дэлхийн мэдээ нүүрт Их долоо ОХУ-ын эсрэг хоригийг цуцлахгүй, MERS-аар 87 хүн өвдөөд байгаа, Японд газар хөдөлсөн талаарх мэдээллүүдийг багтаалаа.

Харин “Томилолт” булангаас “Гангачуулын гудамж хийгээд зуун зууны түүх хүүрнэх Будапешт дахь хааны ордон” тэмдэглэлийг уншаарай. “Өдрийн сонин”-ы сэтгүүлч С.Алтанцэцэг өнгөрсөн хавар томилолт өвөртлөн Европын орнуудаар аялсан билээ. Буурал Европын хотууд, тэнд амьдарч байгаа зон олон, монголчуудынхаа тухай өгүүлэх цуврал тэмдэглэлийг энэ дугаараас эхлүүлэн уншаарай.

“Спорт” нүүрт Монгол Улсын гавьяат тамирчин Б.Сэр-Одын ярилцлага нийтлэгдлээ. Тэрбээр өнгөрсөн амралтын өдөр “Улаанбаатар марафон-2015” олон улсын тэмцээнд түрүүлээд зогсохгүй олимпийн өмнөх ДАШТ-д оролцох ажээ. Тун хариуцлагатай энэ тэмцээнд оролцохын тулд гавьяат тамирчин маань арлын Япон оронд бэлтгэл базаахаар өнөө маргаашгүй мордох гэж байна. Тэрбээр “Өдрийн сонин”-д өгсөн ярилцлагадаа тэмцээн уралдаанд оролцохдоо хэрхэн бэлтгэлээ базаадаг хийгээд хувийн амьдралынхаа тухай ч илэн далангүй хөөрөлдсөн байна лээ.

Түүхийн жимээр нүүрт түүхч эрдэмтэн Д.Өлзийбаатарын ярилцлагыг тольдоорой. “Өдрийн сонин” энэхүү брэнд булангаараа Монголын түүхийн талаар сонирхолтой шинэ соргог баримтыг хүргэж байна.

Эрхэм уншигч та, манай сонины өнөөдрийн дугаарыг “Монгол шуудан” компанийн нийслэл Улаанбаатар дахь 35 салбар, “Түгээмэл” шуудан, “Улаанбаатар”, “Скай” шуудангийн салбаруудаас очиж авч болох ба сонин борлуулах бүхий л цэгүүд, Хэвлэлийн биржээс худалдан авах боломжтой юм. Мөн “Мөнгөн завъяа” дахь сонин борлуулах цэг, Сансрын үйлчилгээний төв дэх сонин борлуулах цэг, Хан-Уул дүүргийн 19 дүгээр хорооллын үйлчилгээний төвд байрлах сонин борлуулах цэг, Саппорогийн “Миний дэлгүүр” дэх сонин борлуулах гол гол цэгүүдээс худалдах авч болохыг дуулгая. “Өдрийн сонин”-ы өөрийн байранд ирж худалдан авч бас болно. “Өдрийн сонин”-той холбоотой бүхий л мэдээллийг Мэдээлэх эрхийн утас 19001987-гоос лавлаж болох ба энэ гуравдугаар улирлын захиалгаа өгөхийг хүсвэл 9911-2954, 8811-1375 дугаарт холбогдоно уу. Хэрэв цахим хэлбэрээр нь захиалахыг хүсвэл 88071920 дугаарт холбогдож дэлгэрэнгүй мэдээллийг лавлаарай.

“ӨДРИЙН СОНИН” ӨГЛӨӨ БҮХНИЙ УРГАХ НАРНААР ТАНТАЙ ХАМТ

Leave a Reply

Your email address will not be published. Required fields are marked *