Өнөөдөр өглөө Сүхбаатар дүүргийн 19-р хороо, Шарга морьтод хүн рүү чоно дайрсан гэх мэдээлэл цагдаагийн байгууллагад ирсэн байна. Мэдээллийн дагуу шалгахад 30-40 насны хоёр хүн чононд хазуулсан байсан бөгөөд уруулсан хүмүүсийг ГССҮТ-д яаралтай хүргэжээ.
Одоогоор тэдний биеийн байдал харьцангуй гайгүй байгаа аж. Чоныг тэр хавийн оршин суугчид хүрзээр цохин алж, аюулгүй болгосон бөгөөд уг чоно хүн хазахаас өмнө хоёр үхэр болон хоёр нохойг урсан байна. Тиймээс хазуулсан хоёр нохойг тэр дор нь устгаж, хоёр үхэрт Мэргэжлийн хяналтын газраас шинжилгээ хийж байгаа аж. Хэргийг Сүхбаатар дүүргийн цагдаагийн хэлтэст шалгаж байна.