Иргэнээс ирүүлсэн гомдлын дагуу БЗД-ийн 1 дүгээр хорооны 57 дугаар байрны 1 давхарт байрлах иргэн Д.Б-ын цайны газарт хүнсний чанар, стандартын чиглэлээр хяналт шалгалт хийлээ.
Шалгалтаар хоол үйлдвэрлэлийн байрны технологийн урсгалыг буруу зохион байгуулсан, тухайн өдрийн хоолны дээж аваагүй, хүнсний түүхий эд бүтээгдэхүүний хадгалалтын горим зөрчсөн, хоол үйлдвэрлэлийн байрны ариутгал цэвэрлэгээ хангалтгүй, түүхий эд хүнсний бүтээгдэхүүнийг хүлээж авах, шалгах, ангилан ялгалт хийх эрүүл ахуйн шаардлага хангасан зориулалтын цэггүй, хүнс түүхий эдийг хадгалах, хөргөх, хөлдөөх тоног төхөөрөмжийн температурын хэвийн ажиллагаа алдагдсан, хэмийн бүртгэл хөтөлдөггүй, хуурай хүнсний бүтээгдэхүүнийг хадгалах зориулалтын агуулахгүй, хоол, түүхий эд шарах тосны чанарыг шалгадаггүй, үйл ажиллагаандаа хуульд заасан зохистой дадал нэвтрүүлээгүй зэрэг нь хоол хүнсээр дамжих эрсдэлт хүчин зүйл үүссэн байсан тул Зөрчлийн тухай хуулийн дагуу зөрчлийн хэрэг нээж, улсын байцаагчийн албан даалгавараар илэрсэн зөрчлийг арилгах хүртэлх хугацаанд үйл ажиллагааг зогсоох арга хэжээ авч, биелэлтэд хяналт тавин ажиллаж байна.
