Хүүхэд, багачуудын хүсэн хүлээсэн есдүгээр сарын 1-н боллоо. Эрдмийн их өргөөнд хөөр баяраар бялхсан хичээлийн шинэ жил ийн эхэлж байна.Энэ өдөр улсын хэмжээнд 73 мянга 500 гаруй хүүхэд нэгдүгээр ангид элсэн суралцаж байгаа ажээ. Төрийн болон хувийн нийт 798 ерөнхий боловсролын сургуульд 575 мянга гаруй хүүхэд суралцана. Өнөө жил төсвийн хөрөнгөөр 17 сургууль, концессын гэрээгээр дөрвөн сургууль ашиглалтад орлоо. Ингэснээр сургуулийн хүчин чадал 11 мянга 940 суудлаар нэмэгдэж байгаа юм. Энэ хичээлийн жилд цэцэрлэгт хамрагдах багачуудын тоо өмнөх оныхоос 9300 гаруйгаар нэмэгдээд буйг салбарын яам танилцуулав. Ннийтдээ 1422 цэцэрлэгт 253 мянган хүүхэд суралцах юм байна. Улсын хэмжээнд шинээр 20 цэцэрлэг ашиглалтад оржээ.
Дээд боловсролын сургалтын тухайд 96 их, дээд сургуульд 150 мянган оюутан суралцах юм байна. Есдүгээр сарын 1-ний өдөр баасан гаригт тохиож байгаа. Тиймээс их, дээд сургуулиуд ирэх даваа гаригт буюу есдүгээр сарын 4-нд нэгдсэн журмаар нээлтээ хийнэ. Харин цэцэрлэг, ерөн-
хий боловсролын сургуулиуд өнөөдөр албан ёсоор нээлтээ хийж байгаа. Төрийн өндөрлөгүүдийн хувьд жил бүрийн энэ өдөр сургууль, цэцэрлэгүүдийн энэхүү баярт үйл явдалд оролцдог уламжлалтай. Өнөө жил Төрийн тэргүүн Х.Ббаттулга Унгар улс руу албан ажлаар явсан байгаа учраас эзгүй байх юм. Харин Ерөнхий сайд Ж.Эрдэнэбат 08.00 цагт Монгол III сургуулийн нээлтэд оролцох бол УИХ-ын дарга М.Энхболд Төв аймгийн Эрдэнэ сумыг зорьжээ. Тэрбээр тус сумын Ерөнхий боловсролын болон Мэргэжлийн сургалт үйлдвэрлэлийн сургуулийн нээлтэд оролцох юм байна. Дараагаар нь 14.00 цагт Аанагаахын Шинжлэх Ухааны Үндэсний Их сургуулийн хичээлийн шинэ жилийн нээлтэд хүрэлцэн ирнэ. Бболовсрол, соёл, шинжлэх ухаан, спортын сайд Г.Чулуун-
баатарын хувьд тусгай сургуулиудын нээлтэд очиж байгаа. Тэрбээр 29 болон 116 дугаар сургууль дээр очсоныхоо дараа Хөгжим бүжгийн их сургууль, ШУТИС-ийн нээлтэд тус тус оролцоно.
М.МӨНХ