Мэргэжлийн сүмогийн долоодугаар сарын тэмцээнд ёкозүна Харүмафүжи Д.Бямбадорж түрүүллээ. Тэрээр башёгийн сүүлийн өдөр ёкозүна Хакүхог давснаар 13 даваа, 2 унаатайгаар эзэн хааны цомыг 8 дахь удаагаа хүртсэн байна.
Башёгийн сүүлийн өдрийг хүртэл тэргүүлэгчийн хоёрдугаар эгнээнд бичигдсэн озэки Кисэносато 12 даваа, 3 унаатайгаар башёг өндөрлүүллээ. Кисэносато өнөөдөр Гоэйдог давсан ч Харүмафүжи, Хакүхо нарын барилдааныг хүлээлээ. Хэрвээ Харүмафүжи унасан тохиолдолд нэмэлт барилдаанд түүнтэй барилдах байсан юм. Гэвч Харүмафүжи их аваргыг давснаар эзэн хааны цомыг хүртлээ.