“Өдрийн сонин”-ы шинэ долоо хоногийн дугаар хэвлэгдэж, уншигчдадаа хүрч байна. Өнөөдрийн дугаарын гол нийтлэл, ярилцлага, сурвалжлагаас тоймлон хүргэе.
Долоо хоногийн даваа гариг бүр хүргэдэг “Танайд өнжье” уламжлалт буланд шаазан урлаач Х.Хадхүүгийн өргөө хоймор зочлон ярилцлаа. Тэрбээр саяхан шаазангаар урласан ганц хувь бүтээлүүдээрээ үзэсгэлэн гаргасан юм. Хаадын хөрөг, 21 дарь эх, төрийн зүтгэлтнүүдийн хөрөг зэрэг гангар шаазангаараа хийсэн бүтээлүүдээ дэлгэж, орхигдсон урланг хэрхэн сэргээсэн тухай нэг, 12, 13 дугаар нүүрээс уншаарай.
Мөн УИХ-ын гишүүн Д.Тэрбишдагвын ярилцлагыг тэргүүн нүүрт онцоллоо. Тэрбээр “Хорин
найман “ланжгар”
байх ёстой” хэмээв. МАХН-ын дарга Н.Энхбаяртай өнгөрсөн оны сүүлээс хойш уулзаагүй байгаа, дэд даргын ажлаа өгсөн зэрэг улс төрийн хүрээний олон асуултад хариу өгсөн юм. Нэг, дөрөв, тавдугаар нүүрээс уншина уу.
“Өдрийн сонин”-ы нийтлэлийн бодлогыг тодорхойлж байдаг алдарт гуравдугаар нүүрт “Ханбогдыг хоёр дахь том хот
болгох хэрэгтэй” хэмээх нийтлэл гарлаа Уг нийтлэлд “…Түүнээс гадна өмнийн говь,Ханбогд өвлийн хэдэн сард Улаанбаатарынхаа утаан дундаас гарах гарцгүй аж төрж, осгож үхмээр хүйтэнд дагжин чичирч буй монголчуудад цаг агаарын хувьд хамгийн таатай бүс нутаг юм. Манай сонинд өмнө нь “Монгол Улс дулаахан арал худалдаж авмаар байна”, “Арал худалдаж авах биш өөрсдөө арал байгуулъя” гэсэн цуврал нийтлэлүүд гарч байсан. Идэр есийн жавар тачигнан, хотын утаа хэрээс хэтэрч Улаанбаатарт аж төрнө гэдэг
аймшигтай санагдах болсон өнөө цагт бидний дэвшүүлсэн нийтлэл олон ч хүний анхаарлыг татаж, талархлыг хүлээн санал сэтгэгдлээ илэрхийлэхэд хүргэсэн юм. Тэгвэл өөрсдөө байгуулах гэж санал санаачилга гарган зүтгээд байгаа “диваажингийн арал” чинь Ханбогд юм биш үү гэх бодол төрөөд байна” гэж дурдсан байна.
Цоохор ирвэстэй холбоотой бүх хэрэг прокурор, шүүхийн шатанд хэрэгсэхгүй болсон тухай долдугаар нүүрээс,
Монгол инженерүүд хүйтэнд ажрахгүй нарны авсаархан хавтангаар цахилгаан, дулааны асуудлыг шийдэх гэж байгаа тухай зургадугаар нүүрээс, эдийн засагч Н.Дашзэвэгийн ярилцлагыг наймдугаар нүүрээс тус тус уншаарай.
Мөн ОХУ-ын Красноярс хотноо болсон Ярыгиний тэмцээнд Японы домогт бөхийг ялж, шуугиулж буй монгол охины тухай, өвөрмөц содон хоолойгоороо сонсогчдыг гайхашруулаад авсан дуучин П.Дагийсүрэнгийн ярилцлага зэргийг өнөөдрийн дугаараас уншиж болно.
Эрхэм уншигч та, манай сонины өнөөдрийн дугаарыг “Монгол шуудан” компанийн нийслэл Улаанбаатар дахь 35 салбар, “Түгээмэл” шуудан, “Улаанбаатар”, “Скай” шуудангийн салбаруудаас очиж авч болох ба сонин борлуулах бүхий л цэгүүд, Хэвлэлийн биржээс худалдан авах боломжтой юм. Мөн “Мөнгөн завъяа” дахь сонин борлуулах цэг, Сансрын үйлчилгээний төв дэх сонин борлуулах цэг, Хан-Уул дүүргийн 19 дүгээр хорооллын үйлчилгээний төвд байрлах сонин борлуулах цэг, Саппорогийн “Миний дэлгүүр” дэх сонин борлуулах гол гол цэгүүдээс худалдах авч болохыг дуулгая. “Өдрийн сонин”-ы өөрийн байранд ирж худалдан авч бас болно.
“Өдрийн сонин”-той холбоотой бүхий л мэдээллийг Мэдээлэх эрхийн утас 19001987-гоос лавлаж болох ба захиалга өгөхийг хүсвэл 9911-2954, 8811-1375 дугаарт холбогдоно уу. Хэрэв цахим хэлбэрээр нь захиалахыг хүсвэл 88071920 дугаарт холбогдож дэлгэрэнгүй мэдээллийг лавлаарай.
“ӨДРИЙН СОНИН” ӨГЛӨӨ БҮХНИЙ УРГАХ НАРНААР ТАНТАЙ ХАМТ