Эрүүл мэндийн яамнаас халдварын талаарх ээлжит мэдээллээ өглөө.
Энэ үеэр ХӨСҮТ-ийн Тандалт, судалгааны албаны дарга Ж.Байгалмаа “Өнгөрсөн хоногт 12235 хүнд шинжилгээ хийлээ. Үүнээс 620 хүний шинжилгээнээс халдвар илэрлээ. Ингэснээр нийт батлагдсан тохиолдол 10218 болж байна.
Сүүлийн 24 цагт 270 хүн эдгэрч, эмнэлгээс гарлаа. Шинээр бүртгэгдсэн 620 тохиолдлын 503 нв Улаанбаатар хотод бүртгэгдсэн. Харин аймаг, орон нутагт 117 тохиолдол бүртгэгдлээ” хэмээн тодотголоо.
Өнөөдрийн байдлаар нийт 2107 хүн хэвтэн эмчлүүлж байгаагийн есөн хүний биеийн байдал маш хүнд байгаа гэлээ.