Халдашгүй байдлын дэд хороо яг одоо хуралдаж байна. Тус хуралдаанаар УИХ-ын гишүүн Н.Номтойбаярыг бүрэн эрхийг түдгэлзүүлэх эсэх асуудлыг хэлэлцэж байгаа юм. Тус дэд хорооны хуралдаан хаалттай болж байгаа бөгөөд УЕП-ын дарга Б.Жаргалсайхан оролцож байна.
Халдашгүй байдлын дэд хороонд УИХ-ын гишүүн Ө.Энхтүвшин, Ч.Улаан, Н.Энхболд, Д.Лүндээжанцан нар багтдаг ба Хууль зүй, дотоод хэргийн сайд Ц.Нямдорж ахалдаг. Хуралдаанд Ө.Энхтүвшин, Ц.Нямдорж, Н.Энхболд нар оролцож байна. Хурлаар УИХ-ын гишүүн Н.Номтойбаярын бүрэн эрхийг нь түдгэлзүүлэх эсэх талаар тодорхой шийдвэр гаргавал Хууль зүй болон Төрийн байгуулалтын байнгын хороод хуралдана.