Канад улсад ахлах сургуульд суралцаж байсан 22 настай монгол залуу амиа алдсан хэрэг өнгөрсөн долоо хоногт гарчээ.
Хохирогчийг Б.И гэдэг бөгөөд гэмт этгээдүүд Б.И-г толгойн тус газар нь буудаж хөнөөгөөд эмнэлгийн үүдэнд үлдээгээд явсан байжээ. Гэвч хохирогч эмнэлгийн тусламж авч амжилгүй нас барсан байна. Цагдаа нарын үзэж буйгаар хэрэг орон нутгийн цагаар оройн 19:00-21:00 цагийн хооронд гарсан бөгөөд одоогийн байдлаар гэмт этгээдийг эрэн сурвалжилж байгаа юм байна.
Хохирогчийн ар гэрийнхэнтэй нь Гадаад харилцааны яамнаас холбогдон, дэмжлэг үзүүлэн ажиллаж байгаа бөгөөд гэр бүлийнхнийх нь хүсэлтээр талийгаачийн талаарх тодорхой мэдээллийг өгөхгүй гэв.