Оскарын шагналд нэр дэвшиж байсан алдарт жүжигчин Эллен Пейж олон нийтэд трансжендэр гэдгээ зарлаж, нэрээ сольж байгаагаа мэдэгдлээ. Нэрээ сольж Эллиот Пейж гэх болсон бөгөөд “Өөрөөрөө байх үнэхээр сайхан байна” хэмээжээ.
Түүнийг “Juno”, “X-Men”, “Inception”, “The Umbrella Academy” кинонуудаар нь хүмүүс сайхан мэдэх жүжигчин Эллиот сошиал хуудсандаа мэдэгдэл оруулсан нь олон хүмүүсийн сэтгэлийг хөдөлгөсөн байна. Тэрбээр өөрийгөө трансжендэр гэдгээр бахархаж, өөрийгөө хайрлаж, олонд зарласнаар ямар сайхан байгаа тухайгаа бичсэнээс гадна трансжендэр хүмүүст ирдэг дарамт, халдлага зэргээс ямар их айж, үүнд сэтгэл нь эмзэглэдэг тухай бичсэн юм.
Фэйсбүүкийн зүгээс “Бид чамд хайртай, Эллиот” гэсэн бол “Netflix”-ээс “Бид супер баатраараа маш их бахархаж байна. Хайртай шүү, Эллиот! “The Umbrella Academy”-ийн гуравдугаар бүлэгт эргэн ирэхийг чинь тэсэн ядан хүлээж байя” гэжээ.