Италийн ерөнхийлөгч Жоржо Наполитано өнөөдөр огцорно гадаадын эхсурвалжууд мэдээлжээ. Сонинд өгүүлснээр, өглөөний 11 цагт Наполитано огцрох өрөгдлөө бичих ба дараа нь Тамгын газрын дарга нь өрөгдлийн гурван хувийг ерөнхий сайд Маттео Ренци, Үндэсний парламентын хоёр танхмын тэргүүн Лауре Болдрини, Пьетро Грассо нарт хүргэх гэнэ.
Наполитано Италийн Европын зөвлөлийг даргалах хагас жилийн хугацаагаа дуусгангуут огцорно гэж мэдэгдсэн байлаа. Түүнийг албан ёсоор огцорсны дараа Сенатын дарга Пьетро Грассо үүргийг нь орлон гүйцэтгэнэ. Ерөнхийлөгчөөс огцроод Наполитано бүх насаараа сенатор болох юм.
Наполитано нь тус орны түүхэнд хоёр дараалан сонгогдсон анхны ерөнхийлөгч бөгөөд өдгөө 89 настай ажээ.
Италийн Үндсэн хулиар ерөнхийлөгчийг парламентын хоёр танхмын нэгдсэн хуралдаанаар долоон жилийн хугацаатайгаар сонгодог байна.