Италийн эргийн хамгаалалтынхан өнгөрсөн шөнө 1000 гаруй цагаач иргэнийг аварсан талаар “AFP” агентлаг мэдээллээ. 100-150 хүн тээвэрлэх зориулалттай завин дээр 1000 гаруй хүн зорчиж явсан аж. Уг завь Газар дундын тэнгисийг гатлах үедээ даац нь хэтэрч осолджээ. Цагаачдын ихэнх нь Сири, Ливи, Иракийн иргэд байсан гэнэ.
“Аврагчдыг ослын газар очих олон цагаач амиа алдсан байдалтай байсан. Одоогоор уг ослоор хэдэн хүн амиа алдсан нь тодорхойгүй байна. Аврагчид ослын газар ирэх үед завинд зорчиж явсан зорчигчид бүгд хүнд нөхцөлд байсан” хэмээн Италийн Дүрвэгсдийн төвөөс мэдээлэв.
Эхний ээлжинд аврагчид тэдэнд аврах хантааз тарааж, дараа нь эмэгтэйчүүд болон хүүхдүүдэд эмнэлгийн тусламж үйлчилгээ үзүүлсэн байна. Дээрх цагаачдыг түр хорогдох байруудад хуваан байршуулжээ.
Италийн эрх баригчид цагаачдад орогнол олгох боломжгүй гэдгээ илэрхийлэн, “удахгүй нутаг буцаах болно” гэж мэдэгдсэн байна.