Ирэх оны төсвийг УИХ энэ өдрүүдэд хэлэлцэнэ. 65-ын бүлгээс төсвийг судлах ажлын хэсгийг 11 гишүүний бүрэлдэхүүнтэй, Д.Оюунхорол гишүүнээр ахлуулан байгуулаад буй.
Сангийн яамнаас ирэх онд уул уурхайн салбараас 2018 оны батлагдсан дүнгээс 1.3 их наяд төгрөгөөр нэмэгдэж нийт 3.0 их наяд төгрөгийн орлого оллохоор төлөвлөжээ. Энэ нь төсвийн нийт орлогын 27.1 хувийг бүрдүүлэхээр байгаа аж.
Ирэх онд нүүрсний экспорт 42.0 сая тонн, зэсийн баяжмалын экспорт 1.4 сая тонн, Монголбанканд тушаах алтны хэмжээ 21.0 тонн байхаар тооцжээ. Нэг тонн нүүрсийг 75.9 ам.доллар, зэсийг 6272 ам.доллар байхаар төлөвлөөд байна.