Нийслэлийн цэцэрлэгүүдэд шинээр элсэн орж байгаа хоёр болон тав хүртэлх насны хүүхдийн бүртгэлийг цахимаар бүртгэнэ. Цэцэрлэгийн цахим бүртгэл энэ сарын 22-ны 09.00 цагт эхэлж наймдугаар сарын 22-ны өдрийн 23.59 цагт дуусна. “Tsetserleg.ulaanbaatar.mn” гэсэн хаягаар бүртгүүлнэ. Мөн энэ хугацаанд өмнөх хичээлийн жилүүдэд элссэн хүүхдүүдийн бүртгэлийг шалгаж, баталгаажуулах юм байна. “Цахим элсэлт”-ийн үр дүнгийн мэдээллийг эцэг эх, асран хамгаалагч нарын гар утсанд мессэжээр илгээнэ. Цахим элсэлт дууссаны дараа шинээр бүртгүүлсэн хүүхдийн бүртгэлийг www.tsetserleg.ulaanbaatar.mn-ийн “Шалгах” цэс рүү орж бүртгэлийн дугаараа хийж хамран сургах тойргийн цэцэрлэгтээ орсон эсэхийг шалгах боломжтой ажээ.