2002
оноос эхлэн Иран улсын цөмийн хөтөлбөртэй холбоотой эдийн засгийн хориг арга
хэмжээг Европын холбоо болон АНУ хамтран авч эхэлсэн билээ. Тэгвэл өнгөрөгч
шөнө удаан хугацаанд хэрэгжиж байсан энэ хориг цуцлагдлаа. МАГАТЭ өөрийнхөө
илтгэлд Иран улс олон улсын хамтын байгууллагын өмнө хүлээсэн үүргээ биелүүлж
цөмийн хөтөлбөрөө зогсоон царцааж чадсаныг баталсан. Иймээс өнгөрөгч шөнө
АНУ-ын Төрийн нарийн бичгийн дарга Жон Керри Ираны эсрэг авч хэрэгжүүлсэн эдийн
засгийн бүх хориг арга хэмжээг цуцалж буйгаа зарлажээ. Энэ талаар Ираны
ерөнхийлөгч Хасан Роухани хэлэхдээ “Өнөөдөр бидний хүсэн хүлээсэн мөч ирлээ.
Ираны ард түмэнд ялалтын баяр хүргэе” гэв. Иран улс цөмийн хөтөлбөрөө зогсооход
Хятад, Герман, Франц, ОХУ,АНУ, Их Британи гэх зургаан улсын олон жилийн хамтын
хүч хөдөлмөр, зүтгэл нөлөөлсөн билээ. Б.Хулан