Хятадын “HUAWEI” компани АНУ-ыг шүүхэд өглөө. Тус компанийг хар жагсаалтад оруулж, Америкийн үйлдвэрлэгчдийн эд анги, технологиос худалдан авахыг нь хориглон, Үндсэн хууль зөрчсөн шийдвэр гаргаснаа хүлээн зөвшөөрөхийг шаардаж, ийнхүү шүүхэд хандсан байна.
Энэ хориг нь нийтийн эрхийг зөрчсөн үйлдэл хэмээн тус компанийнхан үзэж байгаа гэнэ. “Энэ хууль нь “Хуавэй” буруутай гэж шууд тодорхойлж, их хэмжээгээр хориг тавьсан үйлдэл. Энэ компанийг АНУ-ын зах зээлээс шахаж гаргах гэсэн зорилго нь тун тодорхой” гэж гомдолд бичсэнийг “РИА Новости” агентлаг дамжуулсан байна.
АНУ-ын шүүхээс компанид тавьсан энэ хоригийг Үндсэн хууль зөрчсөн үйлдэл гэж үзээд хоригийн биелэлтийг зогсооно гэдэгт “HUAWEI” компани найдаж байна.
АНУ-ын Худалдааны яам энэ сарын 15-нд “Хуавэй” болон түүний 70 салбарыг АНУ-ын үндэсний аюулгүй байдал, гадаад бодлоготой харшилдах үйл ажиллагаа явуулсан хэмээн хар жагсаалтдаа оруулсан юм.
Үүний дараахан “HUAWEI” корпораци “HUAWEI”-тэй бизнес харилцаагаа зогсоосноо зарласан байна. Ингэснээр Хятадын ухаалаг гар утас АНУ-ын IT компанийн үйлчилгээнд орох эрхгүй болж, Андройдын шинэчилсэн хувилбарыг авч чадахгүйд хүрэх аж. Түүнчлэн Huawei ухаалаг утсыг худалдан авагчид цаашид “G-mail”, “Youtube” зэргийг ашиглаж чадахгүй болно гэсэн үг юм.