Говь-Алтай аймгийн Баян-Уул сумын Алтангадас багийн “Улаан хонд” гэдэг газар өвөлжиж буй малчны тэмээ галзуу өвчин тусчээ. Тэмээнээс сэжигтэй зүйл илэрсний дагуу зориудаар устгасан байна. Малын сэг зэмээс дээж авч лабораторит шинжлүүлэхэд галзуу өвчин болох нь тогтоогдсон байна. Иймд тус сумын Засаг даргын захирамжаар 14 хоногийн хорио цээрийн дэглэм тогтоожээ. Өнгөрсөн онд галзуу өвчин 19 аймгийн 302 суманд 485 удаа бүртгэгдэж, 783 толгой мал, амьтан өвчилж, 415 толгой мал, амьтан үхэж, 316 толгой мал, амьтныг устгасан байна. Энэ нь 2013 онтой харьцуулахад 192-оор нэмэгджээ.