Өнгөрсөн бямба гарагт Ховд аймгийн Зэрэг сумын Эхэн багийн Шар булаг хэмээх газар Ховд голоос мөс зөөж байсан иргэн амиа алдсан харамсалтай хэрэг гарчээ.
Мөс цөмөрч, хүн живсэн дуудлагын дагуу тус аймгийн Онцгой байдлын газрын 10 ажилтан, Цагдаагийн газрын долоон алба хаагч очиход 33 настай эмэгтэй голоос мөс зөөж байгаад живж нас барсан байжээ.
Түүний цогцсыг гарган цагдаагийн байгуулагад шалгуулахаар хүлээлгэн өгчээ. Мөн 61 настай, А гэрээсээ гараад сураггүй болсон байна. Онцгой байдлын 20 алба хаагч дөрөв хоног эрэн хайсны эцэст түүний цогцсыг олж, аймгийн Цагдаагийн газарт хүлээлгэн өгчээ гэж ОБЕГ-аас мэдээллээ.