Цагдаагийн байгууллагын 102 дугаарын утсанд өчигдөр нийт 972 дуудлага, мэдээлэл ирсэн байна. Үүнээс зөрчлийн 855, гэр бүлийн хүчирхийллийн шинжтэй 82, гэмт хэргийн шинжтэй 34 дуудлага мэдээлэл бүртгэгдсэн бол 135 хүн эрүүлжүүлэх байранд хоножээ.
Мөн өндөржүүлсэн бэлэн байдлын энэ цаг үед согтуугаар тээврийн хэрэгсэл жолоодсон 47, Архидан согтуурахтай тэмцэх тухай хууль зөрчсөн 46, танхайрсан 93, хулгайлах дөрөв, хүний биед халдсан 42, тав тух алдагдуулсан 57 дуудлага бүртгэгдсэн байна.