Театрын урлагийн шилдгийг шалгаруулах “Гэгээн муза” наадам өчигдөр боллоо. Наадамд суут зохиолч Ф.Достоевскийн романаас сэдэвлэсэн “Гэм зэм” постдрам нийт таван цом хүртсэн юм.
Тодруулбал, драмын жүжгийн төрөлд:
- Найруулагч Б.Батболд “Шилдэг найруулагч”-аар
- Сэтгүүлч, яруу найрагч Я.Баяраа “Шилдэг зохиолч”-оор
- Жүжигчин Д.Ганцэцэг “Шилдэг гол дүр”-ээр
- Жүжигчин П.Эрдэнэзаан “Шилдэг туслах дүр”-ээр тус тус шалгарсан юм.
- Мөн “Гэм зэм” жүжиг үндсэн жүжгийн төрөлд шилдгийн шилдэг гранпри шагналын эзэн болсон байна.
Нэмэлт мэдээлэл өгөхөд, наадмын хоёрдугаар шатны шалгаруулалт явагдах үеэр найруулагч Б.Баатарын “Тамгагүй төр” жүжиг тавигдаж эхэлсэн тул энэ жилийн “Гэгээн муза”-д өрсөлдөөгүй байна.