Газын зурвасаас Израилийн тал руу өнгөрсөн бямба гаригт 450 удаа пуужингаар харважээ. Үүний хариуд Израилийн тал тус зурваст байрлах ХАМАС болон “Исламын жихад” бүлэглэлийн 220 объектыг харваж устгаснаа мэдэгдэв. Өнгөрсөн оны хавраас Газын зурваст нөхцөл байдал хурцдах болсон агаад сүүлийн үед намжмал байж байгаад ийнхүү дахин хурцадлаа. Энэ талаар Израилийн Батлан хамгаалахын албан ёсны төлөөлөгч Жонатан Конрикус өчигдөр мэдэгджээ.