Бурхан багшийн их дүйчэн өдрийг угтаж өчигдөр Гандантэгчинлэн хийдэд их цэвэрлэгээ хийжээ.
Монголын бурхан шашны их сургуулийн эчнээ ангийн лам оюутнууд, бурханы шашны төрийн бус байгууллагын сүсэгтнүүд их цэвэрлэгээнд оролцсон байна.
Тодруулбал, оюутнууд, Гурван эрдэнэ сүсэгтний холбоо, Жавзандамба төв, Асрал төв, Таны буянд даган баясая төв, Олон улсын буддист нийгэмлэг, Их майдар төсөл, Бакула ринбүүчий сан болон энгийн сүсэгтнүүд цэвэрлэгээнд нэгдэн Гандантэгчинлэн хийдийн ойр орчимд их цэвэрлэгээ хийж, хур хогийг цэвэрлэжээ.