Монголын бурхан шашинтны төв Гандантэгчинлэн хийдийн Гандан дуганд 08.00-19.00 цаг хүртэл “Арван хангал” сахиус хурж, Чойжоо дүгжүү гаргах юм байна. Учир нь өнөөдөр намрын тэргүүн сарын билгийн тооллын 29, аргын тооллын наймдугаар сарын 31-ний өдөр, лхагва гараг.
“Дүгжүү” хэмээх том балинг гаргаснаар насны барцад саад, өвчин зовлон, үгүйрэл хоосрол, үйлс хазайх зэрэг гэм арилах нигууртай хэмээдэг ажээ. Сүсэгтэн олон “Арван хангал” сахиусандаа өөрийн болон өрөөл бусдын амь нас, эрүүл мэнд, ажил үйлс, ахуй амьдралаа даатгаж, Монголын сайхан оронд ган зуд, гал усны аюулгүй, төр түвшин, түмэн олон амгалан байх болтугай.
“Арван хангал” сахиуст Жигжид, Очирваань, Гомбо, Гонгор, Лхам, Жамсран, Дамдинчойжоо, Намсрай, Шалши, Цамба зэрэг номнууд багтдаг ажээ.