ЭМС-ын сайд асан Г.Шийлэгдамба авлигын хэргээр шалгагдаж, батлан даалтад гараад байх хугацаандаа “Цензургүй яриа” нэвтрүүлэгт орж, намынхаа даргын эсрэг зүйлүүд ярьсан билээ.
Тэрээр МАХН-ын дарга Н.Энхбаяр санхүүжилт олж ир гэж гишүүдээ шахдаг учраас танил ахаасаа мөнгө авч, Н.Энхбаярт аваачиж өгсөн гэж хэлсэн. Мөн хорих ангиас илгээсэн захиа, шахалт дарамтаар ажлаа өгсөн хэмээн ярьсантай нь холбогдуулан түүнд маш их дарамт ирж байгаа аж.
Иймд хуулийн байгууллагаас Г.Шийлэгдамбын амь нас аюултай байдалд байгаа, мөн гадны нөлөөллөөр амь насанд нь халдаж болзошгүй гэсэн үндэслэлээр хамгаалалтад авсан гэнэ.