Улс орон даяараа “Босоо” хэмээн алдаршсан Г.Самдан аваргын нэрэмжит барилдаан Хэнтий аймгийн Дадал сумын спорт зааланд болж, Монгол Улсын арслан Э.Оюунболд түрүүллээ.
Мөн Хэнтий аймгийн Дэлгэрхаан сумын харъяат аймгийн начин Ц.Чинзориг аймгийн заан, Багануур дүүрэг, “Алдар спорт” хорооны бөх аймгийн начин Э.Мөнх-Эрдэнэ аймгийн харцага, Хэнтий аймгийн Батноров сум, “Хасу мегавит” группийн бөх сумын заан Ц.Өнөрбат, Бат Ширээт сумын харъяат, сумын начин Амартүвшин аймгийн начин цол хүртлээ.
Түүнчлэн Дадал сумын харъяат, сумын харцага С.Зэлмэ аймгийн начин Д.Энхбатын нэрэмжит аймгийн цолонд ойрхон бөхийн шагнал гардсан юм.
