“Mongolian Mining Corporation”-ий охин компани болох “Energy Resources” нь “MCS International”-тэй хамтран Ухаахудагийн цахилгаан станцын төсөлд ажиллах 86.3 тэрбум төгрөг (45.8 орчим сая ам.доллар)-ийн гэрээ байгуулсан талаар Хонконгийн хөрөнгийн бирж мэдээллээ. Гэрээний дагуу “MCS International” нь 18 МВт-ын хүчин чадалтай Ухаахудагийн цахилгаан станцын эрчим хүч түгээх болон халаалтын тоног төхөөрөмж, дизель хөдөлгүүрийн ашиглалт, засвар үйлчилгээг энэ сарын 1-нээс 2017 оныг дуустал гүйцэтгэх бөгөөд цахилгаан, дулааныг эцсийн хэрэглэгчдэд хүргэх ажлыг хариуцах юм байна. “Energy Resources” компани дээрх төлбөрийг гурав хуваан төлөх гэнэ. “MCS International” нь Ухаахудагийн цахилгаан станцын ашиглалт, үйлчилгээний ажлыг 2011 оны тавдугаар сараас өнгөрсөн жилийг дуустал гүйцэтгэсэн бөгөөд өмнөх 2014 оны 8-р сард болсон шалгаруулалтад оролцон дахин сонгогдсон юм байна.
“Energy Resources” компанийн захиалгаар барьсан Ухаахудагийн цахилгаан станцын ерөнхий гүйцэтгэгчээр “MCS International” ажилласан бөгөөд манай улсад анх удаа хуурай хоргөлтийн систем (турбинээс гарах уурыг шууд агаараар хөргөх) ашиглан усны хэрэглээг багасгаж байсан юм.
4 replies on “Энержи Ресурс, Эм Си Эс интернэшнл хамтран ажиллахаар болжээ”
click here for more [url=https://phantomx-apps.net]phantom Extension[/url]
look what i found [url=https://keplr-apps.net]keplr Download[/url]
like it [url=https://sites.google.com/mycryptowalletus.com/metamask-walletlogin/]MetaMask Download[/url]
click resources [url=https://sites.google.com/mycryptowalletus.com/phantom-walletlogin/]phantom Extension[/url]