Монгол Улс өнөөгийн байдлаар вируст хепатит буюу элэгний А, В, С зэрэг вирусээр хэчнээн хүн өвдсөн, халдварласан зэрэг мэдээллийг гаргаж, нарийн хянах боломжгүй юм байна. Учир нь вируст хепатитын В, С, А гээд аль ч халдварыг авсан, өөрөө мэдээгүй, шинжилгээ хийлгэдэггүй олон иргэн амьдарч буй. Мөн тэр бүгдийг нарийн тооцож, хянах нөхцөл боломж бүрдээгүй аж. Тиймээс элэгний вирусыг бүртгэх цахим бүртгэлийг нэвтрүүлж эхэлжээ. Ингэснээр вирусыг А. В, С гээд төрөл төрлөөр ангилж тоолох боломжтой юм байна.
ХӨСҮТ-ын захирал Д.Нямхүү “Одоогоор вируст хепатитаар өвчилсөн өвчтөнүүдийн тоог судлаачдын гаргасан албан бусаар л тооцоолж байна. Түүнээс биш бүрэн тоолох боломжгүй байна. Вируст хепатиттай иргэдийг нарийвчлан тоолох боломжгүй. Тиймээс элэгний вирусыг бүртгэх цахим бүртгэлийн системийг нэвтрүүлсэн. Үүгээр дамжуулан өвчтөнүүдийг хяналтандаа авах зорилго тавьж ажиллаж байна” гэлээ.
Хэдийгээр Монгол Улс элэгний өвчний тооцоог нарийн гаргах боломжгүй ч зарим вирусын өвчлөлийн тохиолдлыг бууруулж чадсан гэлээ. Тухайлбал, А, В вируст хепатитын эсрэг вакциныг нэвтрүүлснээр сүүлийн таван жилд 10 мянган хүнд тохиолдох өвчлөл 6.8-аар буурчээ