Төв аймгийн Заамар суманд байрлах “Эко Алтан Заамар” компанийн уурхайн хөрсөнд цөмрөлт үүсч долоо орчим машин 80 гаруй метрийн гүнд дарагдсан байна. Хөрсний цөмрөлтийн үеэр зургаан иргэн дарагдаж, хоёрыг нь амжилттай авран гаргаж, тус сумын Хайлааст багийн эмнэлэгт яаралтай х ү р г э н ш и н ж и л г э э н д оруулахад, биеийн байдал хэвийн гэж оношлогдон үлдсэн дөрвөн хүнийг аврах ажиллагаа явагдаж байна гэсэн мэдээлэл ирлээ. Уг осол гарсан даруйд тус компани үйл ажиллагаагаа бүрэн зогсоож, ослыг нуухын тулд жолооч нарыг хөл хорионд “Эко Алтан Заамар” компанийн уурхайд ноцтой осол гарав оруулж, утаснуудыг нь хураасан гэх мэдээлэл байна. Ослын талаар цагдаагийн байгууллагаас тодруулахад “Уг мэдээллийн дуудлага 17:50 минутад Төв аймгийн цагдаагийн газарт ирсэн байна. Одоо цагдаагийн бүрэлдэхүүн болон МХЕГ-ын шинжээчид, эмнэлгийн ажилчид осол гарсан газар дээр ажиллаж байгаа” гэв. Тус газарт Төв аймгийн ОБГ-ынхнаас гадна Улаанбаатар хотоос Үндэсний аврах ангиас 12, Уул уурхайн аврах албанаас найм, нийт 20 аврагчийг хоёр нисдэг тэргээр аваачсанаас гадна аймгийн түргэн тусламжийн г а з р а а с э м ч н а р о ч и ж шуурхай ажиллаж байгаа аж. Албаны эх сурвалжийн хэлж байгаагаар дөрвөн хүн дарагдаж нас барсан байж болзошгүй аж. Хөрсний нурангид дарагдсан ажилчид тус компанид бульдозер, экскаваторын оператороор ажилладаг юм байна. Ослыг хоёрдугаар сарын 27-ны өдөр Төв аймгийн Заамар сумын нутаг, Хайлааст багийн орчимд 23:00 цагийн үед болсон 4.6 магнитуудын хүчтэй газар хөдлөлттэй холбоотой байж магадгүй гэнэ. Үүнээс гадна тус уурхайн зэргэлдээ байдаг үйл ажиллагаа нь эхлээгүй хоёр ч уурхайд ийм нуранги үүсээд байгаа юм байна.